زاويه هادئه

بندر الفهد · 09-27-2009, 11:30 AM

اليها في تلك الغيوم

سـ أكتب كل من جعل المخ / تلف

مختلف

بندر الفهد · 09-28-2009, 08:13 AM

من هنا ..الي هناك ..ومن هناك الي ..هنـا=والنتيجه واحده يافيصل ..ونفـس المصيــــــر
من يغني ..ليه ذاك ..يحن ذاك .الـى الغنــا=والنتاج الحاصل اللي حاصل إنه ..ما / يصـير

بندر الفهد · 09-28-2009, 08:15 AM

حيث انا
واعنيني أنا هذه المره بلا ..إمراءة

ساكتبني عن تجر/بـه من مــ(أ) سي وبصدق
وبلون رمادي

من الغباء تعيش في عالمك حب=كلمة ..حقيقة ..عشتها ..من غبائي
هالحب ..قبر شعور ..واحساس يتعب=من مائي الاحساس لحساس مائي
من طب فيه ..يقال له ..يوم هو طب=هذا عزائي ..فيك ..أحسن عزائي
كتبتني حزن ..صعب كان يكتب=وسربت دائي ..وسط خمرة ..دوائي
والاصعب إنه ..لملم إحساس الاصعب=واعلن رثائي ..في رثائه رثائي
من لم يمره ..بنصحه ..له لايقرب=والا ترى بيذوق ..من سم ..دائي
أشرب ..واشرق منه ..واعيد ..اشرب=الين وصلت بي هنا ..ل ارتمائي
مافاد بي طبيب ..او فادني طب=باسباب ..غروٍ ..مر طيف ..بمسائي
كم شب بضلوعي حطب ناره وشب=نار الفراق اللي ..تشدد ..جلائي
حتى بديت ..أشب بضلوعي واحطب=وازعل حروف الهجاء في غنائي
لاقلت به ببدا الالف ..جاء تعجب=باء ٍ ينادي شوق ..فيه ابد ..بائي
وابدأ بحرف الحاء واقول مهرب=لان الوسط به خير ..به ببدا حائي
الف وحاء وباء في كافها حب=يعني نهاية كل حبك .. بكائي

بندر الفهد · 09-28-2009, 08:24 AM

لولا الالم ..مايشعر المرء ..بحساس=هذا (صحيح) أول مفاهيمنا (صح) ..!
ولولا الصبر ..مايشهق الحر ..الانفاس=في مجتمع ما راف به عانقه شح
من ماس كان ..وصار الماس به ماس=يقبل يموت بفقر ..عن قول يمدح
له صاحب ٍ لامر به ..جاه وسواس=وسمع عصافيرٍ ..بصدره تسدح
وبدن بلحنٍ كان للحب نبراس=ما للهوى غير المها ..اي مطمح
هذيك ..من حطت لها الصدر كراس=تذبح ..بوصل وبعدها الموت يذبح
لاباس ياقلب ..بدا يموت ..لاباس=خلك شهيد الحب ..واسمح واسمح
من باس طيف صويحبه يوم هو باس=قله ترى للحب في الطيف ..مسرح
من ياس هذا الصدر لمصادر الياس=ماني حجر شطرنج في يحتاج مطرح
انا الجنون اللي كسر ..صمتك احساس=وانا الذي علمك ..تضرب ..وتطرح
وانا الغرير ..اللي بك انغر ..وانداس=وعجز ..يذمك حرف ..لو كنت تجرح
علمتني ..كيف الهوى ناعم الماس=وعلمتك شلون بحزن روحي تفرح
ياغيابه ..صدري كسر ..هالقفص أس=واطلق عصافير الالم فووق ..تسرح
في عالم ٍ فيه المجانين ..جلاس=وكل ٍ معا خله ..من الشوق ..يمرح
فيها القلوب اللي بها طيش ..ووناس=الهايمين بعالم الحب ..الاشرح
من وقتها ..كان المدى ..يقرع اجراس=حتى صحيت بموتتي ..ماني امزح
شعر ..ب انه لعبة ٍمالها ..ساس=تحركت بيدين ..محبوبه ..بلح
وسمع بصدره نادر ٍ بالقفص حاس=وسمع بعد وشلون قام يتنح نح
وحاول ..يفل بما عقد له ..من امراس=حتى معه جمان ..قام يتمرجح
ساعة بدا يشوف في عين الاحساس=وجه الخيال بكل ما به ملامح
كنه يقول معاتب خافقي ..قاس=يامى نصحتك وانت ماتطيع منصح
لين اعترف إن الهوى لانشرب كاس=ماينفع اللي يشربه ..قول صحصح
مرت مثل طيف ٍ عبر لحظه نعاس=واعلن بان الحب ..له يبني أصرح
وصدق كلام إن الهوى ..كله اوناس=الين حس شلون الالام ..تنطح
وحس بشعور ٍ أغبرٍ ..فاق الافلاس=من قلب كم له كان كم كان مربح
صحيح ..هذا الموت لامن لفى ..ناس..!=ماهو بحاجة شخص ٍ يجيه ..يشرح
يجي كذا بشويش ..كاس ورى كاس=الين يثمل شاربه و يترنح
صحيح هذا الموت ..لو يملك أحساس=ماكان يقتل قلب ..ما امداه يفرح

بندر الفهد · 09-28-2009, 08:25 AM

كن غبي ..تكون ..ماتحلم ..تكون=كم غبي يجيب لاجاء منفعه
من عيون ٍ شافت الذل ..بعيون=كل دمع ٍ حاير ٍ ..جت تدمعه
في توصيف القهر على اللحون=فوق خد البين دايم يصفعه
لابدت فيه الاغاني ..والفنون=يبتدي نزف الجروح الموجعه
ياجنون الليل رفقا ياجنون=بالبشر مستنفع ومستنفعه
من تكون تعدل العالم تكون=والحكايه زيف حب .قنعه

بندر الفهد · 09-28-2009, 08:26 AM

من عقب ماكانت هي القلب ..بالقلب=راحت بيدها ..واطعنتني بقلبي
هذا الالم ..لاحل ماعنه ..مهرب=هذا الالم يارب ..لجواك ..ربي

بندر الفهد · 09-28-2009, 08:27 AM

لا تحاول إنك ..ترجع تعيش إنسان=كم عاشت انا إنسان قبلك ..وكليت
هذا الزمن ..ماهو زمن صدق خلان=هذا زمان الكم ..والكيف ..له صيت
لو دان لك في يوم مادام لك دان=ومن بعدها ..صدقني ماتنفعك ..ليت

بندر الفهد · 09-28-2009, 08:29 AM

بكرة ..وبكرة ..تعرف شعور ..بكره=لامن ..لقت مافيه ..مثلك ..بالاحساس
بكره ..وبكره ..تفيق ..من كل سكره=وترجع ..اليك ..وكن ماصار بك باس
لكن ..اذا كانك فهد ..تبقى ذكره=تطرق هواجيسك اذا جات بالراس

بندر الفهد · 09-28-2009, 08:30 AM

يطيح الليل في قبر الصباح ..وينعتق عصفور=تنتف ريشٍ بصدره ..على أشواك سجانه
شلع يم السماء العالي وناضر من على للدور=وشاف الحزن ..غيم مايسير ..وحوط اخوانه
وصاح بصوت من يصرخ ..وهو من صرخته مقهور=يانسانه ..يا إنسانه ..أنا ..انسان .يانسانه
يا فيصل ..كيف لو شفته ..يعض احساس به مسعور=وهو ديان ..من مبطي ..ومبطي ..دين ..ديانه
شلع من عتمه القبر الفسيح ..وساح ..سااح دهور=ولقى له خانة بصدره ..تعيش بخانه ..جنانه
ونادى من على غيمه ..فتاتي يافتاه الحور=أما اما أن الاوان انه يئين الان ..أوانه
وقالت له وهي تضحك ..تحفظ السر ..للمسرور=حنان ..الناس ..من سبب عليهم موت تحنانه
ومدت من على الغيمه يبدها له .بقايا ..زهور=ومد يديه من غيمه ..واخذ ما مد ..بايمانه
وشف أزهورها ..ذبلى ..وغشيها ..عطش ..وضمور=وهي ماهي سوى .فله ..ويشمومه ,,وريحانه
وضمها للصدر ..واعشت فيه ..ياهي دهور=ومات الصدر ..وزهوره لازالت ..فيه ..حيانه
يافيصل ..في وهج صدري (الم )(لم) (الالم)مشكور=وغناها ..على شاني ..وغناها ..على شانه
وبعد ..ماكل عصفور الضلوع الهد ..هد ..الدور=وصب انفاسه .بكاس الشعور ..ومده ..السانه
وقدم ..من خمر حرفه ..لها ..كاس الوله .بسطور=أعيش بعزتي ..والا ..يموت العيش ..واحسانه
وتألم حيل في صدره ..وزم الصدر ..زم الجور=وهو يحس في صدره ..بقايا ..نار ..دخانه
زمن .يا هالزمن ..اغبر ..ولا حولك شرف معثور=تغاشيت الصدور اللي بها هالناس .سكانه
مدامع أأه تتباخر ..وتتشكل سحاب ..يدور=على نفس الصدور اللي تبخر دمع الحانه
مداه أكبر من اي حروف ..لو حرفي يلم صدور=تلم الحزن في ذيك الركون ..وتضمد ..اطعانه
هدايهم ..مع العيد ..إن لفاهم عود ..للجمهور=الا ياليل يادانه ..والا ياصبح .يادانه
جبرهم حالك الليل العتيم ..يشاهدون الزور=وسيفه في ييده ..يزمر ..كما فارس على حصانه
زمن .يا هالزمن ..مالك ..تجر الخاطر ..المكسور=أمام الواقف .أمامك ..يهل الغيم بشجانه
يافيصل هـ ( المـ/ساء)/ أكبر من شعور ..بدون .شعور=يافيصل ..هالشعور ..أكبر ..من إنه .يوضع بخانه

بندر الفهد · 09-28-2009, 08:33 AM

ينادي للمساء طفل ٍ كسر في خاطره هـ /النور=وماجاه المساء ..الا بعد هالطفل ..ما طاحي
وشاله ..ن يده ..عله ..يداوي ..خاطر مكسور=وزاد الخاطر صياحي ..وخاطر حرفي بصياحي
وقال الكون ..لو يفهم ..يجنبني ..دروب الجور=ويكسر كل ديجور ٍ نوى في كسر مصباحي
صباح الخير ..ياحلوه ..يا انقى من نقا البلور=صباح الليل ..بشروقك ..شروق لـ/ ليل صباحي
تعالي ..وانثري ..أأه ٍ لها فيني ..تجول شهور=بعد مابحت ااهات ..بصدري وبباحي
ولميني ..الى اقرب وسادة ..إنني ..مخمور=واحس بعالمي ..يطفو ..وانا هالحين سباحي
ادور ..ادور ..واتنفس ..واتنفس وادور ادور=الين أوصل ..شواطي اللي ..بلاسم كل اجراحي
مجون ٍ تلعب بعقلي ..على كيف الهوى بالدور=وتاخذني ..من اتراحي ..بلحظه ..داخل افراحي
وفي لحظه بعد هذ..تقول ..تقول بنبره يامغرور=وتاخذني من افراحي ..كذا وادخل با اتراحي
واصيح بعالي الصوت ..المثمل ..إنني مسحور=انا الهاوي ..بما ..! هاوي ..وانا الهاوي بها ..هاوي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

زاويه هادئه

لعشاق الهدوء ، قصائد ومقالات للكتاب والشعراء الذين لا يرغبون بأية ردود على مشاركاتهم