(مجموعة انسان)...

قالت من انت وقلت مجموعة انسان

من كل ضد وضد تلقين فيني

فيني نهار وليل وافراح واحزان

اضحك ودمعي حاير وسط عيني

فيني بداية وقت ونهاية أزمان

اشتاق باكر واعطي أمسي حنيني

واسقي قلوب الناس عشق وضميان

واهدي حيارى الدرب واحتار ويني

واحاوم طيور السما حوم نشوان

واسيل الوديان دمعي حزيني

في عيني اليمنة من الورد بستان

وفي عيني اليسرة عجاج السنيني

تهزمني النجلا وانا ند فرسان

واخفي طعوني والمحبة تبيني

ان ما عرفتيني فلاني بزعلان

حتى انا تراني احترت فيني

كلمات/ خالد الفيصل


تحياتي

الوّنه

اون ورياح الليالي توني
والبرد في جوف كما الغار خاوي
ما كن لي قلب ولا عقل كني
جذع وقف في وجه الايام ذاوي
وبي عبرة محبوسة تمتحني
في عيني وحلقي وصدري شكاوي
وبي من قديم الوقت جرح مكني
وبي من جديد الايام وقت مكاوي
ان قلت زانت خالف الوقت ظني
وان قلت هانت عاجلتني بلاوي
اجامل الناس ولا جاملني
هامت بي الدنيا هيام الخلاوي
الوقت جاير والليالي اسهرني
والحزن ما بين الضلوع متلاوي
أون وكلِ يحسب اني اغني
عليل وكلِ يحسب اني مداوي

كلمات / الأمير .. خالد الفيصل

(قال المولع)...

قال المولع هب فوج النسيم
ما دري صبا ولا عوالي

ذكر فؤادي ما مضى من قديم
والانس في تلك الليالي

اقبل علي ظبي يرعى النعيم
من شوفته يا سقم حالي

من قبل اشوفه كان جسمي سليم
واليوم لا حالك بحالي

قالوا لي أهلي يوصفولي حكيم
من قبل يصير الجسم بالي

وانت الدواء يا روحي وانت الحكيم
وريقك الحالي شفالي

والله العشق في وسط قلبي مقيم
رسى وبنا له عوالي

وان مت في حب الغزال الفهيم
لا تأخذه يا اهلي بدالي

والختم صلوا ما تهب النسيم
على النبي نوره بدالي

( البرواز )...

قلتيلي إنسى
ومن يومها وأنا كل ليلة قدامي البرواز
حبر العيون ودمع القلم في دفتري
وصورتك رغم الألم
ورغم إنها خذت من أطباعك كثير وخانت البرواز
أشوفها في خاطري
حبيبتي ما بيدي حيلة
لا صرتي الصورة وعيوني البرواز
وشلون ابنسى

أتعبتي الصورة مشاوير
وتعبت أنا بلقى لغدرك معاذير
وصورتك اللي سجنت بروازها طول السنين
كانت جسد وبروازها الروح
ويوم نزعت منه الجسد تجرحت أطرافها
وبجروحها راحت لمين .. لبروازها الثاني
مسكين .. بيسجنك ويبقى سجين
تشبهلك أقداره خانته
وصورتك يجي يوم وتخونه
حبيبتي .. أو للأسف حبيبته
لا صرتي الصورة وجفونه البرواز
وشلون ينسى

حبيبتي لأجل أنسى جرحك واستريح
بأبكي .. وبعد البكى بأبكي
واكيد في لحظة بتجي وبيجف دمعي
وعندها صورتك اللي في عيوني
بتعاف برواز الضمى
بتصير صحرا وهو سما
بتمرني الدمعة الأخيرة
تاخذ معاها صورتك وتطيح
وكني بهالدمعة سكين جرحها وجهي
وكني بالمسافة تطول ما بين عيني ودمعتي وخدي
وكني بقلب الحاير المسكين نبضه يقول
لا تودع الفرقى .. الدمع ما يرقى
وعندها لا نزلت الدمعة من الجرح الأخير
وفارقت وجهي أنا
بغمض عيوني وأكسر البرواز
وأكيد بنسى

الشاعر الامير : عبدالرحمن بن مساعد

(وهــــــم)...

وهم كل المواعيد وهـــــم
تعب كل المواعيد تعــــــب
بأسم الحب باسم الشوق
مأساتي معاك تزيـــــــــــد
واتم بعيد وتتم بعيـــــــــــد
اتم مثل الحـــــــــــــــــــزن
انطر سحابة عيـــــــــــــــد
اجي ملهوف عطـــــــــــش
تحت المطر ملهـــــــــــــوف
وقتي يطــــــــــــــــــــــــوف
لوني ظايع ومخطـــــــــوف
يظيع الشارع بصمتـــــــــي
وصمت الانتظار سيــــــــوف
وكل ما مر وهم صوبـــــــي
اقول انتـــــــــــــــــــــــــــي
كذبت العيون والموعد وهـم
الم كل ساعةوكل لحظة الم
وين عيون حبتني ومنتنـــــي
وقالت لي نعــــــــــــــــــــــم
تلاشت فرحتــــــــــــــــــــي
وتاهت خطوتـــــــــــــــــــــي
وحلم كبير في لحظة انهدم

كلمات/ فائق عبدالجليل

(احبة حيل)...


ليت ربي ماكتب لحظة وداع
ولافراق ولادموع ولاضياع
ليت كل الناس خل مع خليل
وكل ماقيل
النهاية بين الاحباب الرحيل
قلت احبه حيل

لو يوقف لحظة الفرح الزمان
والمكان عيونك انت احلى مكان
في يدي يديك والحاسد ذليل

وان غدت كل الاماني في يدي
ابتدي مع كل لحظة تبتدي
اعشق الدنيا مثل طير جميل

اه ياحلو الامل والذكريات
والسعادة ماتجي بالامنيات
صبحها يبطي وانا ليلي طويل

كل ماادفن خيالك ياعنيد
تمطر الدمعة وينبت من جديد
شفت وش سوى بي الحب الاصيل
شفت وش سوى بي حبك يابخيل

لونويت اعاتبك القى الكلام
يعتذر لي منك ويلوم الملام
والقى حتى كلمة احبك قليل

كنت اهدد بك همومي والارق
كنت انت النار وهمومي ورق
لين صرت اليوم همي المستحيل

ياللي طيفك يملي دايم مدمعي
قلي ليه وانت معي منت معي
لو تجاملني تسوي بي جميل

من يقول الحب بسمة ماتفوت
لو يحب يشوف كم مرة يموت
في الجفا وقبل الجفا وبعد الرحيل

كلمات/ طلال الرشيد

قسوة
ليه اذا حبيتك أكثر زدت قسوة

وان دريت بحاجتي لك.. زدت جفوه

وان عطيتك من حياتي ما تريده

ما كفاك وتحسب ان الحب نزوه

والله اني يا أحب الناس.. احبك

والله ان الروح لو ترضيك.. فدوة

والله اني تارك غيرك.. وجيتك

مزعل الزعلان والعذال عنوه

كل دقة قلب فيني لك قصيده

تكفي الدنيا مع الاحباب غنوه

وكل هاجس ما يجيب الا خيالك

سلوتي بالعمر.. في صحوه وغفوه

اجمع احساسي واشواقي واجيلك

والبس ثياب الهوى والعشق كسوه

وانتقي من سواليفي حسنها

والقصايد من غزلها كل حروه

وانثر العبرات والضحكات عندك

واقول اني احق الناس فضوه

ادري اني عادي ما فيه ميزه

وادري اني كادح ما حاش كروه

وادري اني في خريف العمر ماضي

ما بقى بيني وبين القبر خطوة

لكن اني صادق في ما اقوله

واطلب من الله عن الزلات عفوه

كلمات الامير / خالد الفيصل